انتہا پسند ہندوتنظیم نے پاکستانی فنکاروں کو بھارت چھوڑنے کی دھمکی دے دی


  • ہفتہ
  • 2016-09-24
مودی سرکار کے زیر سایہ پلنے والے انتہا پسند پاگل ہوگئے ۔ مہاراشٹر نونرمان سینا نے پاکستانی اداکاروں کو 48 گھنٹوں میں بھارت سے نکلنے کی دھمکی دے دی ۔ انتہا پسند تنظیم نے فواد خان کی فلم اے دل ہے مشکل کی ریلیز روکنے کا بھی اعلان کر دیا ۔ ادھر پاکستانی فلم ایکٹر ان لاء میں اداکاری کے جوہر دکھانے والے اوم پوری بھارتی رویے پر پھٹ پڑے ۔ کنگ خان بھی فواد خان کی حمایت میں میدان میں آگئے ۔ شاہ رخ خان نے کہا فواد خان پر کیچڑ نہ اچھالی جائے ۔ پاکستانی اداکار کو سیاسی تناؤ کا شکار نہ بنایا جائے ۔ پاکستانی اداکار فواد خان بالی وڈ فلم اے دل ہے مشکل اور رات باقی میں اداکاری کے جوہر دکھا رہے ہیں جبکہ ماہرہ خان فلم رئیس کی شوٹنگ میں مصروف ہیں ۔